Vielībs pavasaris

Suodne joudas šakas
Da be pompurieliu
Da nežīd ni plokės
Niėr kvapniu žeidieliu.

Dielkuo suvielava
Šėloma pavasarėnė
Gondros sositraukės
Unt stolpa tekėne.

Ni puoros, ni šapa
Nieka dar nerada,
Tik rauduonas kuojės
Neprileid pri bāda.

Stīpčiuo po peivalė
Sleiks kuoks pasitaikė,
Snėigs viel krėste jiemė
No bet tame laīke!?!

Jau balondė mienou
Kor saulelės sīla?
Žadint rek jau žeidus
O žemelė - negīva!

Su kou išmaišīte
Jouda laûka dongaus
Ir gretiau solaukte
Tuo žīdiejėma brongaus?!! ????