Traktorista nejaut meilis darbou

Kor tu lipi? A pablūda? Krami nusisuksi, kloika!
Gulu pėivuo šali kūtis, veizu kap borožė ruopštas smėlga.
Kor tu švėiti? Maišu trėnkta? Mon nudeginsi veizuolus!
Teik priėdis aš bulbynės, kad net užsimerkt prėš Sauli tingu.  

Kon tu kauki? Kuo tu nuori? Skleidas lerma visam kaime.
Vara muni gaspadėnė pri darbų, kap kuokį benkortą kaimynų.
Kor tu eini?! Ropki, mėgla! Vaga kap Vyrvyti kreiva!
Arklys plūga trauk padūkdams, persdams da žiaumuo svarainį.

Kuoks tau skėrtoms, kor aš einu? Niera darbou šindein meilis.
Te pasiūntas tei dirvuona - kėtą deiną susiarsu su kombainu.  
Kuo tu šauki? A tau gaila, kad pas Šimku da pabūsu?
Vakar blaivs juk nuvirtau užkliovis už paršele baise drūta.