Kuoš viejielis lauka
Tū žėidū saldybė
Vo po kėima plaukiuo
Žalomo apdrėbė
Medē atsėbodė
Iš žėimėnė mėiga
Nusimetė roda
Pernīkštė sermiega
Suspruogdėnė kėita
Pumpara žėivelė
Žėidā išsėrėta
I pasauli žali
Špuoka rosvas plunksnas
Spindoliau sėdabrās
Ka sušėlė plūkas,
Tonkē vėn ė baras
Vo mėnotė kėta
Švėlpau ė kvatuojės
Līg nelesė būto
Nebnostuov ont kuoju
Svaigolēs aplėitas
Žemės gīvas plīnės
Gruo širdie kap fleitas,
Kāp gėismie undėnės
Ė prigierus saldė
Kvapa ė gruožībiu
Barbė malkas skalda
Kėtuos žėimuos žīgems...