Laika jouda varna
Rīn metus kāp žirnius
Karkčiuojė vėn darnē –
Īr anū apšėrnē...
Grēta vėn ištėrpa
Mona švėisė tuolē –
Nerimo i širdi
Dailē atsėkuolė
Varna kal i veida
Gėlė raukšlė grētā,
Laumžėrgelēs skraida
Liūdesė verpetā
Nepasena varna –
Anā omžios niekā,
Tiktā mona karnas
Džiūvulīs apnėka
Grabaliuojės ronkas,
Ėiška saulės akis,
Vo beržynė tonkem
Vėn tomsybė plakas
Daug kou žemė saka,
Mielėns dongaus skietis –
Uoš klevyna šakas,
Kvėit ramē ilsietėis...