Atmėnėmā

Dėinas, kāp grībšnē so ėrklo –
Bova sausis, jau gegužis...
Vo laivielis kerp kāp žėrklės,
Baltou atmėnėmu driūžės...

Blėzgoriou sapnā spalvuotė
Mamas pasakuom papouštė,
Bovuom no vargū pėlvuotė,
Mama sakė – laimės paukštē

Bova dėdilie gerybė,
Lėptė i statiausi kalna,
Īrodavė mėška grībās,
Sokuomuos ont tieva delno

Vėn tuoliau galiejē ētė,
Kartas kėltė, tuolėi liektė
Ė nukrėstė ta i vata,
Ta i akmėnīna plėka

Jau neliuobam bebijuotė –
Degė drousē mūsa akis,
Ka ont spronda sieduos juotė
Puokarė rauduonas blakės

Niekor nepadiesi savės –
Tėn jug ejuom, kor reikiejė:
Mėrosėms tratiejė salvės,
Vo gyvėms – doubie kėnkieju