Joudoma

Po mona širdi doudas
Pamieklė dėdėlie –
Išgriaužus orvus joudus
Lend ėlgesė dielie

Jau ė i krauji griaužas,
Po galva koitėniou,
Ė deg kāp nakti laužā
Lėipsnū iskoitėmo

Ė ruoduos atēt uns jau
I truoba pas muni
Ė ronkuom petius apsiaus,
Ė širdi nuramins

Tiktā žėnau aiškiausē,
Ka gīveno mėgluo
Ė pati savės klauso
A nēso kuoks lėguons?

Ė nieks jug nebišgīdīs,
Nieks mon nebipadies
Kol mona sapna brīdė
Neatsėdors doubie...