Minkštā pri mielė golas
Poukieliu baltomo,
Dėdiausēs šėina vuolās
So švėisolio tomio
Ė nier pėktoma juokė,
Ugniniu jouduliū
Mon saulė linksmā joukas
Ka ont žuoliem golio
Viejielis šaka orbėn
Senuosės vuobėlėis,
Grēt debesis kāp gondrā
Par dongo pasėleis
Ė lieks, ė lieks i šiaurė
Vo po tuo ont pėitū
Par vėsa dėina kiaura
Ė nikam nenutūps
Ė tik mėškams sotemos
Rauduono ramomo
Išaus naktėis sutana
Gaisū panuorama