Ēto laukās žemaitiu
Līguo kalbo so buobo
Ka ana pasėmaišius
Muni vyčiuo po truoba...
Gražiausi tėisas pėiva
Tėiva, kāp ta mergātė,
Kor apsėkaišiusi ėivuom
Paviejou žėidlapius krata
Kapuotas ė darkytas
Tuos platomas sostuojė
Nieks anū nepraryto,
Nieks nepaspėrto kuojė
Ė ta kalba kor gėrdės
Kalnelius ė žuolynus
Aš negalvuojo gėrtėis —
Yr grīnā oužoulėnė...
Če žmuonės no senuovės
Anou šėrdie nešiuojės
Vėsuokės naujės sruovės
Krimt žemin kāp šėinuojē
Ė aš tou krašta mīlio
Dainas anam dainioujo
Ka nieks nemata tylē
Iš laimės koitėnioujo...