Rašyk
Eilės (73079)
Fantastika (2189)
Esė (1490)
Proza (10331)
Vaikams (2494)
Slam (49)
English (1101)
Po polsku (332)
Vartotojams
Jūs esate: svečias
Dabar naršo: 21 (2)
Paieška:
Vardas:
Slaptažodis:
Prisiminti

Facebook Google+ Twitter







3. Nelaimė varda neklaus...

Vėina vakara Jostis parvažiavės ėš darba ė apsėstuojė tėn tuo gatvelie tėis nomās. No, ė paskou ons jau veš tou traktuorio i garaža. Isėkielė i prikaba tou dvėrati ė ėšvažiava. Ė sau ons nepamatė, ka ta anuo pėrmuojė pati dā bova atbiegusi, nuoriejė kažkou anam pasakītė, šuoka ont bētontė traktuoriaus laiptelė, noslīda ė pakliova po ratās. Ons paskou aiškėnuos:
– Aš isėkieliau dvėrati, apsėžvalgiau ka nieka nikamė nier, užsėvediau tou traktuorio ė išvažiavau...
Mata jau bova vakars, vo tuo gatvie švėisū nikuokiū nier. Ė ka ons ėšejė važioutė, ana palėka kėimė pėina bekuošonti. Ė ana matā tou tarpo apsėgalvuojė ė ėšbiega, dar ontšuoka ont tuo traktuoriaus laiptieliu,  ė tojau pat – brėdinkt ė nokrėta no pradiejosė važioutė traktuoriaus. Toukart anou ė pribluoškė.
Ė tojau pat anou novėrtosė ont kelio pamatė sosiedā. Ka isigonda, ka pradiejė šauktė:
– Jerumarėjė, ontā ont kelė pašalio īr pridaužta, novažiouta Milvidienė ...
Tojau pat žmuonės nobiega skombintė anam i tou garaža:
– Jezusmarėjė, kou to galvuoji, to ėšvažioudams sava patė novažiavā...
Matā, vo tou vakara anuos vāka pagoldė i lėguonėnė ė ana nuoriejė, ka so tou traktuorio Jostis karto novežto anou aplonkītė tuo lėguona. Ana ė biega pasakītė.
– Jezusmarėjė, jog aš nematiau nieka. Ka būtiuo matės... Nematiau ne anuos, ne kuo kėta, Ÿ ėšsėgondės ons bevėrp.
Kaimīnā atejė ė tėn pat so kažkou anou apkluojė, vo ana jau gol tuo pakelie nebjodiedama...
Tojau greitībie pakvėitė ėš rajuona grētôjė, atvažiava anėi ė dā bėški gīva ėšvežė i lėguonėnė. Dā rokavuos. Vo tuo lėguonėnie kelės adīnas bepabova ė mėrė. Ė septīniū metieliu sūnos tou laiko bova tėn pat. Ons nežėnojė, ka vėino aukšto žemiau jau nomėrė anuo mama...
Noj, kuokiū nelaimiu īr, Viešpatie brongos... Tas vāks pas tieva dabā ė tebie, tebgīven, so traktuorio dėrb.
2015-04-19 22:58
Į mėgstamiausius įsidėjo
Šią informaciją mato tik svetainės rėmėjai. Plačiau...
 
Norint komentuoti, reikia prisijungti
Įvertinimas:
Balsų: 3 Kas ir kaip?
 
Blogas komentaras Rodyti?
2015-04-20 09:33
Juozas Staputis
Skaudi nelaimė žemaitiškai.
Įvertinkite komentarą:
Geras Blogas
Visuose


Čia gyvena krepšinis

Lietuva ir apie Lietuvą