Muoteriška luogika

Nesuprantu, kas tat yr,
Tyk nublūda muna vyrs.
Numy vytas neberandu,
Umžina uns pasikandis...
Girdu - žmuona tu par stuora,
Mun lig tavys nebėr nuora.
Sakau, tieva, kun tu kalbi?
Uns mun - skalbk, jegu tik skalbi.
Kuojas kreivas, akes žvairas,
Ainu, kur tas muna vairas....
Jau uns rieduos, jau važiūs,
Pri kaimynkas tuos gražiuos.
Ašaras kap pupas krent,
Jau pryš akes graba lenta,
Trauksu šniūrą unt galvos,
Paskiau tegu sau galvuos,
Kad kaklčiausis yr del visko...
O uns siųla mun da viskia.
Saka, trūktelk, būs lengviau,
Aš į ašaras tujau.
Širdys neturi, žalty,
Juk vaika da keturi.
Tai ir aik vaikų žiūrieti,
Kuo gali daugiau nuorieti.

Jau daba galvoju viskas,
Nebebūs gyvenims tviskąs...

Pagalvuojau sau vyna,
Ne pasaulia pabaiga.
Aisu dietų aš laikytis,
Tap vyreli sugundyti.
Par savaiti muorkas, krieną...
Ir suslūga muna strienas,
Lymu tap gražia išlinka,
Kaklas jau nebesulinkis.
O pabudus da unt ryta,
Veizu, nebier celiulyta.
Apsitraukiau sijuoniuką
Ir numuoviau į turgiuką.
Tin kaimyns muni pamatis,
Pūli pirštis besarmatis.
Siūla - aikiam į miškiuką,
Būktai matis tin kiškiuką.
Tap įduomią pasidari,
Gražia praša, kų padarius.
Ainam kartu į pušyną,
Dailia muni apkabinis,
Glaud pri pušys ištekinis.
Aš iš laimis visa svaigi,
Juntu, samuoni jau baigąs.
Ratavuok, muni, kaimyne,
Dūk į numus koki žini.
Sakyk ajus rinkti grybų,
Tu rada, gausi radybų.
Kritau pri pušys negyva
Ir koky čia yra dyvą.
Par savaiti išbadavus,
Būčiau gala kū negavus:
Panedielnike morkelį,
Vtuornike vandens šlakelį,
Sereduo tik obuoliuka,
O četviergi tik muorkiuką.
Petnyčiuo vyn rūgšta pyna,
Nu subatuo - tauri vyna.
Dietas yra pavojingas,
Anų laikuos tiktą tingias,
O je vyrs papriekaištaus,
Ti pasiūlyket alaus.
Kap išplemps bačkeli kitą,
Būs ir žmuona nematyta.
Būs gražiausi iš visų,
Jegu myl uns iš tiesų.
Yra vyrų, kur pruotingi,
Anyms žmuonas reikalingas,
Kur neprimen tuos lentuos,
Kur numiren pratrūnuos.
Kuolei gyvi ainiuola,
Teguly minkšta minkšta.
O ka yra kuoksa brūdas,
Būk tu stuora būk tu kūda...
Umžina jam neįtiksi,
Kol tiktą našlė paliksi.