Bjauroms

Katafalka ratās
Šliaužiuo debeselē
Aš neso pripratus
Pri tuokiū vesieliu

Kulverstēs i galva
Negandas sulinda
Vėsas laukū spalvas
Ė šakuotas blindės

Apsikluojė joudo
Patalo užmėga
Nebier kėita grouda
Nebier balta snėiga

Ė veizietėis sunkē
Mon pro longa stėkla
Vakštiuojo kāp slunkė
Niekor nepritėkus

Nematau ni taka
Ni dėinuos i tuoli
Šėrdės doudas plakas
Drėgontėnēs šuolēs

Ēsio jau mėiguotė
Ka aušrelė švėisės
Viel laukā snėiguotė
Gal žīdies kāp vėišnės