Ežerielis

Tarp žaliū kalnieliu,
Tarp pušū gauroutu,
Tarp padongiu mielė
Ont mėškū sokrauta

Tīvoliou ė raukuos
I kraštus kapuotus,
Daug žmuoniū pritraukė
Veidruodėnē pluotā

Jod pakrontės krūmā,
Vakštiuo vīrā paugė,
Rytmetė geroma
Neš vākams ė draugē

Ė banguom ištėškė,
Ė balsās pasklidė,
Kāp tėkrė nomėškē
Saulie šuonus gīduos

Atspindiejės dongo,
Šėlomuos prigierės
Ondėns švelnės ronkas
Mėrgoliou kāp gieris...