Akmėnis, kelalis, tuoras,
Minkšta žuolie, debeselē,
Mienou vėišnie pasėkuorės,
Varlės doudas kāp veselie
Truobas so darželēs kvietku
Ė longās baltās i gatvė,
Ka šėrdie tau bepalėkto
Sunkē valduoma vėinatvė
Luo šunielis prirėšts tomprē
Pri jouduos kūtalės šuona
Širdi mona skaudē tompa
Neaiškomu milijuonā
Vyrs so poporo, kāp saka,
Pačiulbiejė, pašuokdėna
Ė apspanga mona akis
No keistiausiu atradėmu
Tuoks traukėms, ka baimė baimė
Negaliesio besostuotė,
Mona laimē a nelaimē,
Temp i galotėnė stuoti
Kor žaliou medelē ruojaus,
Doud gyvatė vuobulieli,
I vėsas posės keruojės
Tuokės apgaulingas gielės
A tatā jau ė nukrėsio
Be piršlybu, be pravėntu
Ė sugrīžusi iš reisa
Viel gėiduosio gėismė švėnta?..