Muosiediou 760 metu – XII

1945 – 1955 m.

Stasė Līgotaitė Muosiedė muokīkluo
Jau pradiejė skombē sava līra brauktė.
Graži ė gracinga, vo Augutis) 1 tīkē –
Pasėšava būtė ož partėnė auklė.

Tuos idiejės nīkės kėik nožodė pruotu –
Duogmas varžė vākus no pat klasės soula!
Viešpatie brongiausis, leisk anėms keruotė –
Mena tėkros gruožis būt vėsā prapoulės.

Stasė nepaklosa, skombėna primīnus
Išgīvento stīgo, įtėmpto ont savės,
Pats tīriausis jausmos, žuodis pėrmutinis
Išleistuosiuos kninguos nenostuo polsavės.

Ė pasaulis omžems īr savi papoušės,
Skausma ėšvėrtėmās ė laimingās blīksnēs,
Skombesēs šaltėniu, gorgesēs opuokšniu,
Ė prisėkielėmas Dieva par Velīkas.

P. Augutis – lietuvių kalbos ir literatūros mokytojas) 1